შრომის სამართლის აქტუალური საკითხები და სასამართლო პრაქტიკა

გთავაზობთ ტრენინგს თემაზე: “შრომის სამართლის აქტუალური საკითხები და სასამართლო პრაქტიკა”, რომელსაც გაუძღვება უზენაესი სასამართლოს სამოქალაქო საქმეთა პალატის მოსამართლე ეკატერინე გასიტაშვილი.

შრომითი ურთიერთობის მომწესრიგებელი ნორმების სწორი გაგება და მისი პრაქტიკაში იმპლემენტაცია ის ერთადერთი მექანიზმია, რომელიც დამსაქმებელს მისი პოლიტიკის სწორი სამართლებრივი გზით წარმართვაში ეხმარება.

უზენაესი სასამართლოს უახლესი პრაქტიკით დასაქმებულისათვის გათავისუფლების ბრძანების ჩაბარების წესი სამოქალაქო საპროცესო კოდექსით გათვალისწინებულ ჩაბარების სტანდარტს გაუთანაბრდა და მინიმუმ ორჯერ ფოსტით გაგზავნის ვალდებულება დაადგინა. სოციალური ქსელებით/ელექტრონული ფოსტით ჩაბარება მხოლოდ მისი მიღების დადასტურების პირობებში მიიჩნია ნამდვილად.

ტრენინგის ფარგლებში ყურადღება გამახვილდება სასამართლოს იმ მნიშვნელოვან გადაწყვეტილებებზე, რომელიც მსმენელებს დაეხმარება მის პრაქტიკაში არსებული პრობლემატური საკითხების სწორ ანალიზში.

ტრენინგის გავლის შემდეგ მსმენელი:
◾ დავის სასამართლოში წარმართვის შემთხვევაში შეძლებს სწორად შეადგინოს საპროცესო დოკუმენტები, შესაბამის სამართლებრივ ნორმებზე დაყრდნობით;
◾ სასამართლოს პრეცედენტული გადაწყვეტილებების განხილვისა და ანალიზის შედეგად გამოიმუშავებს უნარს, რაც დაეხმარება დავის პერსპექტიულობის სწორად შეფასებაში;

ტრენინგი წარიმართება ინტერაქციულ რეჟიმში, რაც განაპირობებს აუდიტორიის მაქსიმალურ ჩართულობას და შესაძლებლობას მიიღონ პასუხები მათთვის მნიშვნელოვან საკითხებზე.

ტრენინგი განკუთვნილია:
◾ იურისტებისათვის;
◾ ადვოკატებისათვის;
◾ HR სპეციალისტებისათვის;
◾ საკითხით დაინტერესებული ნებისმიერი მსმენელისათვის;

ხანგრძლივობა: ერთი დღე (6 საათი);
29 მარტი: 11:00-17:00;
ღირებულება: 350 ლარი;

პროგრამის დასრულების შემდეგ, მონაწილეებს გადაეცემათ ტრენინგის გავლის დამადასტურებელი სერტიფიკატი.

სრული პროგრამა იხილეთ ბმულზე: https://rb.gy/dixipm